Bókmenntir í kennslu

Af hverju ég? Verkefnasafn

HEIMASÍÐA HÖFUNDAR OG VERKEFNASAFN

Fjölbreyttur og skemmtilegur verkefnapakki í tengslum við bókina Af hverju ég? eftir rithöfundinn og grunnskólakennarann Hjalta Halldórsson. 
 
Bókin segir frá Agli, ungum dreng sem elst upp í Borgarnesi. Hann á ekki sjö dagana sæla þar sem hann á það til að lenda í vandræðum, eða veseni eins og hann kallar það sjálfur. Sjálfur vill hann þó meina að árekstrar hans við skólafélaga og fjölskyldumeðlimi séu alls ekki sér að kenna. Þvert á móti sé hann betur gefinn en flestir samferðamenn sínir en þrátt fyrir það lendir hann fyrir sakir óheppni sinnar og ósanngirni annarra í veseni.

 

Blokkin á heimsenda - Að skrifa kjörbókarritgerð í FIMM skrefum

Hér er á ferðinni snjallt verkefni sem samþættir bókmenntir, lestur/lesskilning, hlustun, ritun og tjáningu um leið og nemendur læra að setja saman stutta kjörbókarritgerð í 5 einföldum skrefum.

1. skref: Kveikja. Hlusta á upplestur á fyrstu síðum bókarinnar: 
https://blokkinaheimsenda.net/verkefni-og-itarefni/
2. skref: Kynna bókina og gera lestraráætlun fyrir nemendur. /  Lesa bókina fyrir bekkinn. / Sitt lítið af hvoru.
3. skref: Vinna verkefnablöðin samhliða lestri.
4. skref: Nýta umræðupunktana og stýra bekkjarumræðum um söguna.
5. skref: Fara yfir leiðbeiningar um kjörbókarritgerð með nemendum og hvetja þá til að hefjast handa.


Nemendur lesa eða hlusta á verðlaunabókina Blokkin á heimsenda eftir Arndísi Þórarinsdóttur og Huldu Sigrúnu Bjarnadóttur. Samhliða lestri/hlustun vinna nemendur fjögur einföld verkefnablöð. Öll verkefnablöðin má nota sjálfstætt, en í þeim býr meira en er augljóst við fyrstu sýn. Ef nemendur fylla út vinnublöðin sem eru númeruð frá eitt til fjögur hafa þeir, án þess að átta sig á því, unnið megnið af vinnunni fyrir kjörbókarritgerð. 

Nemandi sem hefur þessi fjögur blöð til hliðsjónar, auk leiðbeininganna um kjörbókarritgerð, getur skrifað heildstæða ritgerð sem bæði dregur fram efnisatriði bókarinnar og skoðanir nemandans á henni.

Á vef bókarinnar https://blokkinaheimsenda.net/ er að finna fleiri skemmtileg verkefni og upplýsingar um höfunda.

Í pakkanum er að finna kennsluleiðbeiningar, umræðupunkta, verkefnablöð og leiðbeiningar fyrir nemendur um gerð kjörbókarritgerðar.
Hugtök: Sögusvið, innri tími , ytri tími, aðal- og aukapersónur, söguþráður / atburðarás, gagnrýni, útdráttur.

 

Drakúla greifi - Verkefnapakki

Skemmtilegt heildstætt verkefni byggt á sögunni um greifann frá Transylvaniu, Drakúla.

Hér er að finna fimm verkefni ásamt kennsluhugmyndum og tillögum að ítarefni.
- Upplýsingaleit og lesskilningsæfing
- Stafsetningarþjáflun
- Ritunaræfing
-Talað og hlustað / leikþáttur
- Skriftaræfing

Hentar vel í hringekjuvinnu fyrir nemendur á miðstigi.

 

Lestur, hlustun, lesskilningur, upplýsingaleit, ritun, sköpun, bókmenntir.

Flateyjarbréfin - Verkefni

Heildstætt verkefni þar sem unnið er með bókina Flateyjarbréfin eftir Kristjönu Friðbjörnsdóttur. Rafglærur um Flatey, vinnubók og verkefnabanki.
MEIRA um höfundinn

Hungurleikarnir - Verkefnahefti

Efnisspurningar, umræðupunkta, ritunarverkefni, krossgátu og margt fleira er að finna í þessum veglega verkefnapakka við bókina Hungurleikarnir eftir Suzanne Collins.

Um bókina:
Á rústum staðar sem eitt sinn hét Norður-Ameríka er ríkið Panem; höfuðborgin Kapítól umkringd tólf umdæmum sem hvert hefur sín sérkenni. Á hverju ári skipa yfirvöld í Kapítól umdæmunum að senda einn strák og eina stelpu að keppa á Hungurleikunum. Keppnin er sýnd í beinni útsendingu um allt land og reglurnar eru einfaldar – sá sigrar sem heldur lífi.
Katniss Everdeen er sextán ára og vekur athygli um allt Panem þegar hún býðst til að taka þátt í Hungurleikunum í stað systur sinnar. Með henni úr Tólfta umdæmi fer bakarasonurinn Peeta. Sjálf á Katniss ekki von á öðru en að hún gangi í opinn dauðann, en sjálfsbjargarviðleitni hennar er meiri en flestra annarra og Peeta leikur leikinn á alveg nýjan máta.
Hungurleikarnir er fyrsta bók í þríleik eftir Suzanne Collins. Bækurnar hafa notið gríðarlegra vinsælda undangengin ár, vermt efstu sæti metsölulista og hlotið bestu meðmæli ritdómara.

 

Magnea J. Matthíasdóttir þýddi.
Útgefandi: JPV/Forlagið

Róbinson Krúsó

Heildstætt verkefni ásamt rafglærum (PPT). Byggt á sögunni um skipbrotsmanninn Róbinson Krúsó. 

ROSALINGARNIR - verkefni

Fjölbreyttur verkefnapakki fyrir yngsta og miðstig úr bókinni Rosalingarnir eftir Kristjönu Friðbjörnsdóttur.
Vídeóupplestur á fyrstu köflum bókarinnar er að finna á www.rosalingar.com   - Höfundur les.

Þrautahefti Rosalinganna inniheldur orðasúpu, völundarhús, lesskilningsæfingu og litabók.
Skemmtihefti Rosalinganna er fjölbreytt verkefnahefti þar sem unnið er með bókmenntahugtök, uppbyggingu sögu og persónusköpun. Umræðupunktar, lesskilningur, túlkun og tjáning, upplýsingaleit og ritun og leikræn tjáning.

Tilboð í Bóksölunni - Rosalingarnir á 1.790 kr.
Bóksalan býður skólastofnunum að kaupa Rosalingana með sérstökum afslætti.
Kíktu í Bóksöluna. Nánari upplýsingar: 123skoli@123skoli.is

Meira um höfundinn og verk hans.

Verkefnahefti - Funi og Alda falda

Umræðupunktar og verkefnahefti við bókina Funi og Alda falda eftir Hilmar Örn Óskarsson.

UM BÓKINA: Funi veit ekkert skemmtilegra en að vera inni. Skemmtilegast af öllu finnst honum þó að vera inni OG í tölvunni. Mamma er ekki sammála og heimtar að hann fari út að leika og svoleiðis lagað getur gert Funa alveg ferlega fúlan. Einn góðan veðurdag þegar hann hangir úti, í einni af ferlegu fýlunum, hittir hann dularfulla stelpu sem fer með hann í stórkostlegt ferðalag.
Útgefandi: Bókabeitan

MEIRA um höfundinn og verk hans 

Verkefnahefti - Játningar mjólkurfernuskálds

Umræðupunktar og verkefnahefti við bókina Játningar mjólkurfernuskálds eftir Arndísi Þórarinsdóttur.

UM BÓKINA: Játningar mjólkurfernuskálds er drepfyndin saga um fermingarstúlku á villigötum, bleikklæddar kennarasleikjur og svarthærða gothara, sæta spurningakeppnisnörda – og allar spurningarnar sem er svo erfitt að svara.
Útgefandi: Forlagið

MEIRA um höfundinn og verk hans 

Verkefni við bækurnar um Óla og ömmu eftir Björk Bjarkadóttur

Nemandi á að teikna mynd af ömmu sinni og segja frá henni. Verkefnið hentar vel eftir lestur bóka um Óla og ömmuna hans.
Bækurnar eru Leyndarmálið hennar ömmu og Amma og þjófurinn á safninu eftir Björk Bjarkadóttur.

Verkefni við bókina Amma og þjófurinn á safninu

Þrír þyngdaflokkar af lesskilningsverkefnum við bókina Amma og þjófurinn á safninu. Höfundur bókarinnar er Björk Bjarkadóttir.

Verkefni við bókina Leyndarmálið hennar ömmu.

Þrír þyngdaflokkar af lesskilningsverkefnum við bókina Leyndarmálið hennar ömmu. Höfundur bókarinnar er Björk Bjarkadóttir.